Граѓанската коалиција на ЛДП и ДОМ на локалните избори во Гевгелија за свој кандидат за градоначалник ќе го номинираат бизнисменот Виктор Петков.
Петков е основач и генерален менаџер на Випро ДООЕЛ Гевгелија, компанија од преработувачката индустрија за храна, која се занимава со преработки на овошје и зеленчук.
– Како граѓанска коалиција на ЛДП и ДОМ сметаме дека Гевгелија заслужува да има градоначалник кој ќе се грижи единствено за интересите на градот, човек кој ќе излезе од рамките на личните и партиските интереси и своето искуство и знаење, целосно ќе го насочи за поубава Гевгелија.
Градоначалник, кој нема да биде партиски послушник, туку интересот на граѓаните ќе го има за свој единствен приоритет, велат од коалицијата.
Виктор Петков во досегашното негово делување и активност потврдил дека е општествено одговорен, успешен менаџер и човек кој ќе ја направи Гевгелија подобро место за живеење, велат од коалицијата.
Од коалицијата додаваат дека во периодов што следи ќе ги најават и останатите кандидати за градоначалници и советници.
ПОВРЗАНИ ВЕСТИ
Кои се кандидатите на ВМРО-ДПМНЕ за градоначалници во Центар, Кисела Вода, Штип, Велес, Прилеп…
СДСМ ги објави кандидатите за градоначалници за Берово, Гази Баба, Могила, Неготино и Ранковце
СДСМ ги објави првите 30 кандидати за старо-ново градоначалници за претстојните локални избори
Фото: МИА