Градоначалникот на Демир Хисар, Марјанче Стојановски на Фејсбук синоќа објави дека е позитивен на Ковид-19.
„И, покрај сите препорачани мерки од надлежните здравствени институции за заштита и превенција од корона вирусот, кои доследно ги почитував и во целост ги применував, после денешниот тест за Ковид-19, сум позитивен.
Од вечерва ќе бидам во изолација и сите службени обврски и работни активности ќе ги извршувам од домашни услови. Да бидеме одговорни, дисциплинирани и совесни, бидејќи само на тој начин ќе ја совладаме пандемијата,“ информираше тој на Фејсбук.
Фото: Фејсбук/Стојановски
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.