Основниот кривичен суд Скопје во повтореното судење за случајот „Титаник 3“ за уништување изборен материјал на Исмет Гури и Ејуп Алими од ДУИ им изрече затворски казни од по три години и шест месеци
Пресудата денеска ја изрече судечки совет на чело со судијката Марија Клетничка-Марковска, која им изрече исти казни како и во март 2020 година.
Пресуда не е правосилна и странките имаат право на жалба до Апелација, потврдуваат од Основниот кривичен суд.
Во март 2020 година Основниот кривичен суд обвинетите Исмет Гури и Ејуп Алими, ги прогласи за виновни за уништување на изборен материјал во локалните избори во Општина Чаир, во 2013 година и го осуди по три години и шест месеци затвор.
При објавување на пресудата тогаш судијката Марија Клетничка-Марковска, рече дека обвинетиот Гури е виновни затоа што за време на локалните избори во општина Чаир, во 2013 година, заедно со сведоците Блерим Мухаџери и Ќани Точи ги преправале записниците од гласањето.
Додека обвинетитот Алими, е виновен зашто преземал противзаконски дејствија за уништување на изборен материјал. Воедно, судијката истакна дека застапникот на обвинението имаше право да одлучи кој ќе биде опфатен со обвинението, односно лицата Мухаџери и Точи во овој предмет биле презентирани како сведоци.
Во јули 2021 година Апелациониот суд Скопје ги уважи жалбите на обвинетите Исмет Гури и Ејуп Алими и ја укина првостепената пресуда за „Титаник 3“.
МИА/Фото: МИА