Се комплицира состојбата во ВМРО-ДПМНЕ по исклучувањето на пратениците кои гласаа за почеток на уставни измени со цел промена на името на државата во Северна Македонија, но и исклучувањето на високите партиски функционери како Митко Јанчев, Сашо Мијалков и Никола Тодоров.
Искуствата покажуваат дека не е прв пат во ВМРО-ДПМНЕ да има несогласување и раскол меѓу партиските структури, што по правило вродувало со изнедрување на нови партии со предзнкот ВМРО-ДПМНЕ или пак партии со сосем нови имиња.
На јавноста и е познато дека по недоразбирањето меѓу првиот престедател на ВМРО-ДПМНЕ, Љубчо Георгиевски и новото раководство со Никола Груевски се роди ВМРО-Народна партија на чие чело застана Георгиевски.
Но претходно од ВМРО-ДПМНЕ изникнаа и ВМРО-ДП чиј е претседател е еден од основачите на ВМРО-ДПМНЕ, Владимир Голубовски, како и ВМРО-Илинден слободни демократи – партија која се отцепи од ВМРО-ДПМНЕ уште на почетокот од 90тите.
Тука се вбројуваат и ВМРО-Македонска на Борис Стојменов, ВМРО – Вистинска македонска реформска опција (ВМРО-ВМРО која во 2002 година беше дел од коалицијата Вистински пат), ВМРО – Гоце Делчев – Радикална демократска партија (ВМРО-ГД-РДП која самостојно настапи на изборите во 1994 година), ВМРО – Движење за обнова на Македонија (ВМРО-ДОМ која настапи на изборите во 1998 година), ВМРО- Обединета (ВМРО-Обединета која самостојно настапуваше на изборите во 1994 и 2002 година)…
Ваквата историја на расколи во ВМРО-ДПМНЕ само укажуваат дека по исклучувањето на пратениците кои гласаа за уставните измени и поделбата на партиските структури на прозападни односно реформаторски и онаа со актуелната раководна структура предводена од Христијан Мицкоски постои голема можност од сегашната партија да се роди уште најмалку една нова партија која условно кажано би се нарекла ВМРО-реформаторска, а останува можноста партиското членство да се раситни на две, три или повеќе други партии кои самостојно би настапувале на следните избори.
ПОВРЗАНИ ВЕСТИ
Мијалков: ВМРО-ДПМНЕ не е ничија сопственост
Рангелова: Ни треба проатлантски ориентирано ВМРО-ДПМНЕ, а не изолација
Никола Тодоров: Не се пронаоѓам во антизападно ВМРО-ДПМНЕ
Распаѓање или прочистување на ВМРО-ДПМНЕ на Денот на Македонската револуционерна борба?