Мозочен удар се случува кога крвта престанува да тече во дел од мозокот. Како резултат на тоа клетките почнуваат да умираат и може да се јави оштетување на деловите од мозокот што ги контролираат мускулите, меморијата и говорот.
Внимавај на крвниот притисок
Ако имаш висок крвен притисок и не го контролираш добро, шансите да добиеш мозочен удар се поголеми. Идеално, вашиот крвен притисок треба да биде под 120 а над 80. Ако тој е превисок, разговарај со вашиот лекар за начините да ја промениш твојата исхрана и да вежбаш повеќе. Ако тоа не е доволно за да се контролира, може да препишат лекови за да помогнат.
Вежбај
Вежбањето помага да дојдеш до здрава тежина или да останеш на истата, и да го одржиш крвниот притисок таму каде што треба – двете работи што можат да ги намалат шансите за мозочен удар. Треба да вежбаш толку напорно за да се потиш 5 дена во неделата околу 30 минути. Но, прво разговарај со твојот лекар ако не си во добра здравствена состојба или не сте активни некое време.
Држи го стресот под контрола
Стресот може да ја зголеми веројатноста да добиеш мозочен удар, можеби затоа што предизвикува воспаление во делови од телото. Ако си под стрес на работа, пробај неколку едноставни работи што ќе то помогнат. Стани и движи се често, диши длабоко и фокусирај се на една задача истовремено. Направи ја твојата работна средина мирен простор со растенија и нежни бои. И не заборавај да поминеш квалитетно време надвор од канцеларијата.
Слабеење
Дебелината и здравствените проблеми што можат да предизвикаат – дијабетес и висок крвен притисок – ги зголемуваат шансите за мозочен удар. Можеш да ги намалиш шансите ако изгубиш дури 5 килограми. Обиди се да го држиш внесот на калории под 2.000 на ден, и вежбањето нека биде редовна работа.
Пиј (еден) пијалок
Ризикот од мозочен удар може да се намали ако пиеш по еден пијалок на ден. Но, бидете внимателни: Повеќе од два, и ефектот станува нагло негативен. Обилното пиење исто така може да доведе до обезност, висок крвен притисок и дијабетес – сите работи што ги зголемуваат шансите за мозочен удар.
Провери го холестеролот
Високото ниво на ЛДЛ „лош“ холестерол и ниското ниво на ХДЛ „добар“ холестерол може да ги зголемат шансите да имате таложење на плаки во артериите, што го ограничува протокот на крв и може да доведе до мозочен удар. Намалувањето на заситените и транс мастите може да помогне во намалувањето на ЛДЛ, а вежбањето може да го зајакне ХДЛ. Ако ова не успева, твојот лекар може да препише лекови за да им помогне на вашите нивоа.
Обрни внимание на отчукувањата на срцето
Атријална фибрилација (AFib), неправилен срцев ритам, го зголемува ризикот од мозочен удар за пет пати. Ако забележиш брзо или неправилно чукање на срцето, посети го лекарот за да откриете што го предизвикува. Ако е AFib, можеби ќе може да те лекува со лекови што го забавуваат срцевиот ритам и ги намалуваат шансите да добиете тромби. Во некои случаи, тие може да се обидат да го ресетираат ритамот на вашето срце со лекови или краток електричен шок.
Контролирај го дијабетесот
Оваа состојба влијае на тоа како телото ја користи гликозата, важен извор на енергија за мозокот и клетките што ги сочинуваат мускулите и ткивата. Може да ги зголеми шансите за мозочен удар, па затоа е важно внимателно да го следите шеќерот во крвта и да ги следите упатствата на вашиот лекар.
Внесувај повеќе растителни влакна
Магичниот број тука е 7: На секои 7 грама влакна што ги внесуваш дневно, ризикот од мозочен удар се намалува за 7%. Треба да внесеш околу 25 грама на ден: шест до осум порции житарки или осум до 10 порции зеленчук.
Јади (малку) темно чоколадо
Флавоноидите се растителни хемикалии во какаото кои имаат секаков вид здравствени придобивки. На пример, тие можат да помогнат при воспаление, а тоа може да го намали притисокот врз срцето. Истражувањата покажуваат дека малку темно чоколадо на ден помага во спречување на срцеви и мозочни удари кај луѓе со поголема шанса да имаат срцеви заболувања. Само не претерувај затоа што чоколадото има шеќер и заситени масти.
Не пуши
Пушењето ја зголемува веројатноста за згрутчување на крвта, згуснување и стеснување на крвните садови и доведува до таложење на плаки – сето тоа те става на ризик да имаш мозочен удар.
Пази што јадеш
Балансирана исхрана со овошје, зеленчук, риба, посно месо и цели зрна може да помогне во намалувањето на холестеролот. Тоа значи дека е помала веројатност да се таложи плак во вашите артерии и да создаваат тромби. Исто така, може да заштити од други состојби што ги зголемуваат шансите за мозочен удар, како што се дијабетес и висок крвен притисок.
Земај ги лековите редовно
Ова звучи како лесно, но на многу луѓе им оди тешко. Земај ги лековите за притисок, дијабетес и други состојби на срцето на време и како што е пропишано. Ако сте загрижени за несакани ефекти, разговарајте со вашиот лекар пред да ги прескокнеш лековите или да земаш помалку отколку што треба.
Извори:
American College of Cardiology: “Skipping Blood Pressure Medication Increases Stroke Risk.”
American Heart Association: “Lifestyle Changes for Heart Attack Prevention,” “What You Can Do to Reduce Your Stroke Risk,” “What Your Cholesterol Levels Mean,” “Breaking a sweat while exercising regularly may help reduce stroke risk,” “Saturated Fats,” “High Blood Pressure, Afib and Your Risk of Stroke,” “7 is the lucky number for reducing stroke risk.”
CDC: “Smoking and Heart Disease and Stroke,” “Fact Sheets — Alcohol Use and Your Health.”
Cleveland Clinic: “Stressed at Work? You May Have a Higher Risk of Stroke.”
Harvard Health Publications: “7 things you can do to prevent a stroke,” “How to lower your stroke risk.”
LiveScience: “Dark Chocolate Lowers Heart Attack, Stroke Risk.”
Mayo Clinic: “Atrial fibrillation — Treatment.”
National Heart, Lung, and Blood Institute: “High Blood Cholesterol: What You Need to Know.”
National Stroke Association: “What is Stroke?”.
Psychology Today: “Don’t Take Your Medications as Prescribed? You’re Not Alone.”
Овој пост е дел од едукативната платформа „Минута здравје“, која содржи брзи дневни факти базирани на научни сознанија.
Заследете ги на Инстаграм за секојдневни совети и практични информации.
View this post on Instagram
Фото: Photo by Natasha Connell on Unsplash