еМагазин
Image default
Свет ТОП СТОРИИ

Кина има над 100 полициски станици ширум светот за да следат и заплашуваат свои граѓани

Шпанската невладина организација за заштита на човековите права „Сејфгард дифендерс“ (Safeguard Defenders) објави дека во светот има повеќе од сто кинески полициски станици.

Според организацијата, Кина користејќи ги билатерални безбедносни договори со земјите во Африка и Европа, формираше повеќе од 100 полициски станици низ светот, кои можат да ги следат, заплашуваат и во некои случаи да ги враќаат кинеските граѓани кои живеат во егзил.

„Сејфгард дифендерс“ соопшти дека пронашла докази дека во странство постојат уште 48 полициски станици, со кои управува Кина.

Организацијата во септември соопшти дека открила 54 такви станици ширум светот.

Полициските станици се организирани со наводна улога да им помагаат на кинеските иселеници во странство. Пекинг негира дека постојат непријавени полициски сили надвор од нејзината територија, а кинеското Министерство за надворешни работи во ноември соопшти дека се надева дека ќе престане преувеличувањето на работите за да предизвикуваат тензии.

Кина тврди дека институциите биле формирани како административни центри за да им помогнат на кинеските иселеници да ги обноват своите возачки дозволи и за слични потреби.

МИА/Фото: Унсплеш

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Убава вест: 1.880 оздравени од Ковид-19

Редакција

Македонија останува во фаза на широка трансмисија на Ковид-19, подниво 2, со умерен капаците за одговор

Редакција

Светот на работ од Трета светска војна: Израел ќе одговори на нападот на Иран

Редакција