Кражбата на два тони марихуана за медицинска употреба од струмичката фирма „Херб Индустри“ е топ тема во јавноста. Полицијата засега успеа да пронајде само дел од украдената марихуана, а од таму посочија дека истрагата продолжува.
Која е „Херб Индустри“?
Друштвото за производство, трговија и услуги „Херб индустри“ ДОО Струмица добило дозвола да се занимава со производство на медицинска марихуана од Владата минатата година, а одлуката во Службен весник е објавена во мај 2019 година.
Освен овие информации, на интернет нема никакви други податоци за фирмата.
Телевизијата ТВ24, објави дека според податоци од Централен регистар оваа фирма има петмина сопственици, познати бизнисмени во Струмица.
Еден од нив кој сакал да остане анонимен за телевизијата изјавил дека двата тони марихуана чинат околу 6 милиони евра, а претворена во масло оваа количина би достигнала цена и до 10 милиони евра.
ПОВРЗАНИ ВЕСТИ
ЕКСКЛУЗИВНО: Кои се фирмите кои влегоа во бизнисот со медицинска марихуана во Македонија
Како марихуаната била украдена во Јосифово и како стигнала до Арачиново, детали од Обвинителството