ВМРО-ДПМНЕ соопшти дека Наќе Чулев е нивниот нов предлог за технички министер за внатрешни работи.
Што пишува во неговата биографија?
Наќе Чулев има богато искуство од областа на безбедносната политика и прашањата од Министерството за внатрешни работи, велат од партијата.
„Во неговата богата биографија стои дека поминал низ програмата за тероризам и безбедносни студии Џорџ Маршал, Европски центар за безбедносни студии од Германија и Лондон, Велика Британија.
Завршил обука и на Трансатланската академија (ТАСА) на Универзитетот Бон во Германија.
Се усовршувал за трансформација на конфликти со мировни средства на Софискиот Универзитет во Бугарија.
Бил дел и од школата за балканската мрежа за човекови права во Дубровник, Хрватска.
Учествувал и на безбедносниот форум за стратегиска комуникација и евроатланска интеграција што беше дел од НАТО колеџ за одбрана.
Има завршено обуки и доусовршувања во Велика Британија, Германија, Бугарија и други европски држави.
Наќе Чулев е долгогодишен професионалец и одличен познавач на безбедносните прашања и ново лице во политиката„, велат од ВМРО-ДПМНЕ.
Работи во Директоратот за разузнавање на меѓународен тероризам и организиран криминал во Агенцијата за разузнавање, велат од партијата.
„Чулев е и редовен предавач на Дипломатската академија на МНР.
Во периодот од 2013-та до 2017-та година бил директор на Агенцијата за разузнавање.
Од 2017-та до 2019-та генерален помошник на директорот на Агенцијата за разузнавање.
Воедно во 2017-та година бил и предавач на Академијата за судии и јавни обвинители. Работел и како советник во Агенцијата, а бил и прв секретар во амбасадата на Република Македонија во Анкара Турција од 2003-та до 2007-ма година„, велат од партијата.
Фото: ВМРО-ДПМНЕ
ПОВРЗАНИ ВЕСТИ
СДСМ прифаќа Чулев да биде технички министер за внатрешни работи
Наќе Чулев е новиот предлог на ВМРО-ДПМНЕ за технички министер за внатрешни работи