еМагазин
Image default
БАШ НИ Е ЌЕФ

Кои македонски компании добија признание “Македонски квалитет 2018“

Во присуство на брojни гости, традиционално во рамки на манифестацијата Македонски квалитет, беа прогласени десетте добитници на престижното признание за 2018 година, кое го доделува Сојузот на стопански комори на Македонија (ССК) под покровителство на претседателот на Република Македонија.

Признанијата ги доделија претседателот на Република Македонија, Ѓорге Иванов, претседателот на Сојуз на стопански комори на Македонија, Данела Арсовска, како и претставници на претседателството на Сојузот.

Комисијата составена од членови на Кабинетот на претседателот на Република Македонија, согласно прецизно воспоставените критериуми и оваа година, внимателно ги селектираше македонските претставници кои имаат традиција во создавање и одржување на национален бренд.

Добитници на признанијата се: Ансамб Студио Фолклор, Адора Инженеринг, Универзитет за туризам и менаџмент, Рафајловски Консалтинг, Специјал Продукт, Тинекс, Ендомак, Митковски ММ, Геемак Гроуп и Бироком.

Годинава на свечената манифестација, во посебна церемонија доделено беше и високо признание на претседателот Иванов за исклучителен придонес и поддршка на македонскиот приватен сектор и националната економија.

“Овие позитивни примери се гордост и успех и се значајни имајќи предвид дека тие функционираат и остваруваат раст во услови на турбулентен економски амбиент. За добитниците ова признание  е само мотив плус и поттик да продолжат со нивната работа и во иднина, во духот на досега препознатливите вредности.

Доделувањето на традиционалното признание за квалитет е поттик да се продолжи со успешната работа и да се претставува државата со квалитет и доверба. Оваа престижна манифестација, се одржува секоја година во знакот на оддавање признание и промовирање на деловните успеси на македонските претставници на национален бренд за тековната година при што секоја година се доделуваат 10 признанија за Македонски квалитет“, велат од ССК.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) За прв пат Василичарски оган запален на дното на Охридско Езеро

Редакција

Прва за Македонија: Активистката Ана Чоловиќ – Лешоска добитник на Голдманова награда за животна средина

Редакција

Веро со голема Летна наградна игра

Редакција