На Конкурсот за поддршка на проекти од национален интерес во културата за 2024 година пријавени се само 1.000 од очекуваните 3.000 проекти, информираат од Министерство за култура.
Системот за електронско пријавување на Конкурсот ќе биде затворен на 6. ноември, понеделник, a се очекува, поголем наплив на апликации да има за време на викендот.
Од таму велат дека до сега не се пријавени проблеми во однос на апликацијата, а офицерите за врски во Министерството се на располагање за какви било информации.
Поддршката за креативни индустрии повторно се возобновува по седум години застој, бидејќи како што велат од Министерство овие индустрии предизвикуваат внимание и нов начин како културата и економијата да бидат поврзани.
Од Министерство за култура и оваа година очекуваат реакции, велат дека секогаш има незадоволство, и парите никогаш не се доволно.
Оваа година не е планирано Конкурсот да биде продолжен.
Тековно ќе бидат објавувани и помалите конкурси, кои им покажале дека на младите им треба само поттик, а од нивна страна биле дадени прекрасни креативни идеи.
Главните приоритети за секоја дејност или област остануваат исти: квалитет, иновативност, креативност.