Кривични за насилничките од Ѓорче Петров и за нивните родители

Четири малолетнички кои брутално малтретираа шестооделенка во скопската општина Ѓорче Петров заработија кривични пријави.

Тие се осомничени за две кривични дела “насилство“, а како што информираа од Министерството за внатрешни работи (МВР), се работи за три девојки на возраст од 14 и една на 17-годишна возраст, сите од Скопје.

Како што е познато тие во два наврати физички го нападнале 13-годишното девојче, а од нападите објавиле фотографии и снимки на социјалните мрежи.

Нападите се случиле на 27. март и 30. март годинава.

Кривичната е доставена до Основното јавно обвинителство Скопје и се постапува согласно Законот за правда за децата.

Од МВР информираат и дека Секторот за внатрешни работи (СВР) Скопје ќе поднесе кривични и против родители на насилничките.

ПОВРЗАНИ ВЕСТИ

Насилничките направиле “селфи“ со шестооделенката додека таа крварела од устата и носот: Нови вознемирувачки детали за малолетничкото насилство во Ѓорче Петров

И други девојчиња малтретирале насилничките од Ѓорче Петров: Нови детали

„Сите сме одговорни, да не вртиме глава„: Бура од реакции за насилството врз шестооделенката од Ѓорче Петров