Куче им покажа на луѓето што е лојалност и љубов. Тоа, како што објави на Фејсбук, Славко Дамјановски од Скопје, со денови чекало пред болницата во Прилеп каде се лекува неговиот сопственик.
Дел од медиумите објавија дека тој имал мозочен удар.
-Кучево е позитива на денот, пример за чиста љубов и лојалност, а сите Вие пример како треба и дека ќе одиме напред како заедница по осветлен пат.
Кучево е пред болница Прилеп. Трчало по возило на итна помош во кое се превезувал газдата. Два дена го чека пред болница сопствениоот и не јаде.
Која е оваа љубов луѓе…..
Ги молам сите активисти кои ги имам во пријатели, да не ги тагирам, ако имаат линкови во Прилеп да му се помогне некако со пансион или храна, бидејќи е мавано со камења за да се тргне од “луѓе”. Ќе помогнам, напиша тој, а откако повеќе медиуми објавија за кучето, тој го апдејтуваше својот статус:
-Кучето е на сигурно.
Многу медиуми се загрижија и секоја почит за нив.
Многу почит за здружението за заштита животни од Скопје кое понуди брзо и конкретно решение.
Многу почит за луѓето кои се понудија да покријат финансиски трошоци, луѓето кои се понудија со храна и било каква друга помош.
На крај, а не помалку битно, голема благодарност за докторката која алертираше со многу емпатија, емоција и љубов.
Браво.
Фото: Фејсбук/Дамјановски