Американската амбасадорка Анџела Агелер за „Вести плус“ на Канал 5 изјави дека е лажна вест дека може да смени преговарачката рамка со ЕУ и дека е можна подобра, одговарајќи на прашање за изјавите на одделни политичари дека може повторно да се преговара за истата.
– Лажна вест е тоа дека некој може да го репреговара договорот постигнат минатото лето. Тоа е лажна вест.
Исто така лажна вест е дека е можен подобар договор кој сè уште не сме го откриле. Амбасадорот на ЕУ овде во Скопје, Гир, но и Брисел беа многу јасни дека ова се барањата за одење напред. Така што уште еднаш, наместо да бидете заглавени во историски прашања и контексти, тоа што е барање на граѓаните од политичарите кои ги избрале, е тие да работат за нивните интереси и да ја придвижат земјата кон Европската унија.
Тоа е местото каде што се можностите за економски раст, образование, социјала, трговија и многу други можности постојат, кажа Агелер.
Фото: Амбасада на САД