Само со еден клик, без некое посебно истражување, на Фејсбук може да се најдат бројни страници кои во Бугарија шират говор на омраза кон Македонците и Македонија.
Од бугарските власти речиси секојдневно сме бомбардирани со тезата дека во Македонија на големо се шири говор на омраза кон Бугарите и Бугарија, но никој од нив до сега не спомена дека истото не само сега, се случува, и во Бугарија за Македонците и Македонија.
ПОВРЗАНИ ВЕСТИ
Бојко Борисов има фанови и во Македонија
Па така на Фејсбук можат да се најдат страни кои пропагираат дека Македонците се Бугари, дека Македонија е бугарска, дека македонската историја е фалсификат, се споделуваат карти на „Голема Бугарија“…
До сега немало никаква реакција за овој тренд од македонските институции, кои најавија „ловење„ на говорот на омраза на социјалните мрежи во Македонија за Бугарите и Бугарија.
За разлика од нашите, бугарските институции, но и тамошните медиуми сериозно почнаа да „архивираат“ буквално се, за да истото го користат како аргумент за тезата за ширење на говор на омраза во Македонија и тоа да го искорисат за блокирање на земјата.
Како што стојат работите моментално, по бугарското вето за Македонија, за очекување е говорот на омраза на социјалните мрежи и во двете земји да расте.
