Нашиот врвен топ модел Елена Реи од февруари престојува и работи во Азија, па така неодамна се случи повторно да биде ангажирана во новата кампања и модниот каталог на дизајнерката Дајен Вон Фустенберг.
„Навистина ретко се случува еден модел повторно да работи за светски признаен дизајнер тоа само докажува колку е исклучително професионален моделот за повторно да го ангажираат.
На Елена Реи ова не и прв пат, имаше по неколку соработки и со Calvin Kline, како и со престижната Monique Lhuillier. За белгиската дизјнерка е доволно да се спомене дека беше на листата на Форбс за највлијателни жени и според Тајм магазинот рангирана како модна икона.
Додека пак за нашата Реи е малку што и да се каже, освен дека за повеќе од десет години колку што работи на светската модна сцена соработуваше со најголемите имиња во модната индустрија како Jimmy Choo, Armani,Valentino, Jill Sander, Donna Karan, Zuhair Murad и многу други,“ велат од Моделс Ин менаџмент.
