Макотекс АД Скопје за периодот јануари – јуни 2020 година оствари загуба во износ од 28 илјади денари искажана во неревидираниот Биланс на успех, соопшти компанијата преку Македонската берза.
„Остварените вкупни приходи за период јануари – јуни 2020 година изнесуваат 9.764 илјади денари и во споредба со остварените вкупни приходи за истиот период 2019 година бележат зголемување од 8 %.
Оперативните приходи учествуваат со 100 % во вкупните приходи.
Вкупните расходи за период јануари – јуни 2020 година изнесуваат 9.792 илјади денари.
Оперативните расходи во првото полугодие од 2020 година учествуваат со 100 % во вкупните расходи и бележат зголемување од 3% во однос на истиот период во 2019 год. Намалувањето на вкупните расходи во споредба со истиот период во 2019 година произлегува од намалувањето на финансиските расходи“, велат од компанијата.
Вкупните обврски за првото полугодие во 2020 година изнесуваат 5.007 илјади денари. Краткорочните обврски учествуваат со 80% од вкупните обврски на друштвото, велат од компанијата.
“Макотекс АД Скопје ги превзема сите неопходни активности за справување со настанатата ситуација со пандемијата од Ковид-19. Нема поголеми нарушување во работењето, но не се исклучува можноста доколку дојде до повторување на пандемијата во зимскиот период тоа да се одрази на последниот квартал.
Во согласност со препораките на надлежните институции се почитуваат сите мерките за превенција и одржување хигиена“, велат од компанијата.
ПОВРЗАНИ ВЕСТИ
Смени во менаџментот на Макотекс