Во Македонија, според последните податоци од вчера, бројот на заболени со коронавирусот изнесува 599.
“Според место на постојано живеење, случаи на COVID-19 се регистрирани во 18 градови: Скопје (254), Куманово (128), Дебар (49), Прилеп (34), Тетово (29), Струга (28), Штип (20), Кочани (17), Велес (10), Битола (6), Радовиш (4), Гевгелија (4), Гостивар (4), Охрид (3), Крива Паланка (3), Кавадарци (2), Струмица (2) и Крушево (2)“, стои во анализата на податоците од страна на Институтот за јавно здравје (ИЈЗ).
Највисока кумулативна инциденца на 100.000 жители, според податоците на ИЈЗ до 6. април, е регистрира во Дебар со 176,5 заболени на 100.000 жители, во Куманово инциденцата на 100.000 жители е 89,7, додека инциденца над 30 на 100.000 жители е регистрирана во Скопје, Кочани, Штип, Прилеп и Струга.
Кумулативната инциденца го покажува бројот на заболени од вирусот на 100.000 жители.
ПОВРЗАНИ ВЕСТИ
Дури 69 здравствени работници во Македонија заболени со коронавирусот
Детален преглед: 18 лица од новозаболените имале контакт со потврден случај на коронавирусот
Прв функционер во Македонија: Градоначалникот на Чешиново-Облешево позитивен на коронавирус
Графика: ИЈЗ