Меѓу новозаразените со Ковид-19 регистриран и еден импортиран случај, 37,1% имале контакт со потврден случај

Во Македонија вчера беа регистрирани 125 нови случаи на заразени со Ковид-19.

„Регистрирани се случаи во сите возрасни групи, а најзастапена е возрасната група над 60 години со 30 позитивни.

Во однос на дистрибуцијата по пол, пријавени се 57 лица од женски и 67 од машки пол.

Од епидемиолошки обработените случаи (n=114), регистрирани се 14 хоспитализирани, а кај 25 лица е регистрирано присуство на коморбидитети (хронична/здравствени состојби, н.з.).

Од обработените нови случаи, 44 (37,1%) имаат контакт со потврден случај, а регистриран е еден импортиран случај (дојден надвор од земјава, н.з.).

9 лица од Скопје и едно лице од Охрид сѐ уште се истражуваат“, стои во анализата на Институтот за јавно здравје, која еМагазин секојдневно ја пренесува.

ПОВРЗАНИ ВЕСТИ

Чаир прв во Македонија по активни случаи на Ковид-19: Како изгледа бројот на заразени по скопските општини

Детален преглед на активни случаи на Ковид-19 во Тетово и тетовско

Со Ковид-19 заболени вкупно 338 здравствени работници во Македонија, излекувани 249

Фото: Факултет за ветеринарна медицина