Територијалниот интегритет на Украина, како и на секоја суверена земја е константа и мора да се почитува, а сите различни ставови во поглед на актуелните прашања да се решат по дипломатски пат, вели лидерот на ВМРО-ДПМНЕ, Христијан Мицкоски во врска со случувањата во Украина.
„Жалам што не можам да сторам повеќе, а се би дал да можам да спречам страдање на цивилите и невини човечки жртви.
Но, она што исто е важно за мене како човек и Македонец, како Македонија ќе се справи со актуелните предизвици на економски и енергетски план, какви се резервите со кои Македонија располага во услови на криза која надоаѓа, ќе продолжи ли криминалот и корупцијата како и распродавањето на националните интереси…
Работата на политичарите е да воспостават мир, да градат пријателства и да се даде шанса на дипломатијата. Да се сочува меѓународното право и принципи, да се сопре агресијата и да се почитува територијалниот интегритет на секоја независна и суверена држава,“ напиша Мицкоски на Фејсбук.
ПОВРЗАНИ ВЕСТИ
Ковачевски го осуди чинот на отворена воена агресија од Русија врз Украина
Османи го осуди нападот на Украина
Пендаровски: Силна осуда за воените дејствија кои Русија ги презема над Украина
Фото: ВМРО-ДПМНЕ