еМагазин
Image default
Македонија ТОП СТОРИИ

Мицкоски-Столтенберг: За ВМРО-ДПМНЕ неприфатлив договорот со Грција, за референдумот партијата ќе се изјасни следната недела

ВМРО-ДПМНЕ го поддржува членството на Македонија во НАТО, и интеграциите во Европската унија и во Алијансата се од стратешки интерес за земјава, е истакнато на денешната средба меѓу генералниот секретар на НАТО Јенс Столтенберг и лидерот на ВМРО-ДПМНЕ Христијан Мицкоски.

Мицкоски на средбата посочил дека договорот со Грција е неприфатлив за партијата и е надвор од нејзините познати принципи и начела и оти ВМРО-ДПМНЕ останува на ставот за негово неприфаќање, соопшти прес-службата на партијата.

– Што се однесува до самиот став во однос на референдумското изјаснување ВМРО-ДПМНЕ привршува со процесот на широки консултации и во текот на идната недела ќе заседава Извршниот и Централниот комитет на партијата, се наведува во соопштението.

ВМРО-ДПМНЕ, се додава во соопштението, смета дека власта треба да се посвети на подобрување на реалните области за живот што се од суштествено значење за граѓанинот, а таму се досега се забележува огромна стагнација пропратена со огромен број на афери и сомнежи за злоупотреба.

На средбата станало збор за актуелните случувања во земјава, за договорот со Грција и претстојниот референдум.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Детали за сообраќајот по патиштата: Снегот го отежнува движењето

Редакција

„Макостарт“ го доби тендерот на МВР за набавка на вратоврски за полицајците вреден 23.000 евра

Никола Осило

Судбината на Груевски во рацете на осумтемина пратеници исклучени од ВМРО-ДПМНЕ

Никола Осило