еМагазин
Image default
ЖИВОТ

Заразата со морбилите не стивнува: Една пациентка хоспитализирана, друг во тешка состојба

Тројца пациенти со симптоми на морбили биле прегледани во текот на вчерашниот ден на Клиниката за инфективни болести од кои двајца возрасни пациенти се амбулантски прегледани и пуштени на домашно лекување, а една пациентка е хоспитализирана на Клиниката.

Станува збор за 29-годишна пациентка од Скопје, без податок за вакцинален статус, соопшти Министерството за здравство согласно податоците од Клиниката.

„На Инфективната клиника во моментот се хоспитализирани 19 возрасни и 18 деца со морбили, односно вкупно 37 пациенти со морбили. Еден пациент се наоѓа во тешка состојба на одделот за интензивно лекување.

Согласно податоци од Институт за јавно здравје, во периодот од 2 март до 8 март се пријавени вкупно 83 сомнителни случаи на мали сипаници, додека од почетокот на епидемијата во Скопје, вкупно се регистрирани 493 случаи на мали сипаници.

Од почетокот на епидемијата, вкупниот број вакцинирани лица во Скопје е речиси 10.000 лица, додека вкупен број вакцинирани лица на возраст до 14 години со МРП вакцина од почетокот на епидемијата во државата изнесува 15.151 лице. Високиот одзив на вакцинацијата ќе придонесе за кревање на колективниот имунитет.

Инаку, во текот минатата недела во Институтот за јавно здравје се пријавени 2.678 случаи со симптоми на грип, што е за 16,5 отсто намалување споредено со неделата пред неа. Вкупниот број заболени од грип оваа сезона изнесува 15.201 лица“, се вели во соопштението на Министерство за здравство.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Список на лиценцирани психолози за психолошка поддршка на лица во карантин и изолација

Редакција

РСБСП апелира да се внимава на безбедноста на децата во сообраќајот

Силвана Жежова

(Фото) Листа на имиња на повредените во трагичната несреќа, скопјани се нудат за помош на нивните роднини

Редакција