еМагазин
Image default
Свет ТОП СТОРИИ

(Видео) Масакр на Шри Ланка: Најмалку 100 загинати и над 250 ранети во серија експлозии

Најмалку 100 лица загинаа, а над 250 други се ранети при неколку експлозии во три цркви и три хотели на Шри Ланка, јави ДПА.

Според полициски извори, речиси исто времено експлозии одекнале за време на велигденската миса во католичката црква „Свети Ентони“ и во три хотели со пет ѕвезди во главниот град на Шри Ланка, Коломбо.

Покрај овие, експлозии имало и во црквата „Свети Себастијан“ во местото Негомбо, на 30 километри од Коломбо, како и во црква во Батикалоа, на 250 километри источно од главниот град на земјата.

Експлозиите во хотелите „Синамон Гранд“, „Кингбари“ и „Шанги-Ла„ во центарот на Коломбо ги потврдија и две туристички агенции чии гости престојувале во овие објекти.

Според болнички извори, при експлозијата во Негомбо загинале околу 50 лица, во Батикалоа најмалку 27, а во Коломбо – 24.

Засега никој не презеде одговорност за експлозиите. Властите засега одбиваат експлозиите да ги наречат терористички напад.

Поради експлозиите, премиерот на Шри Ланка, Ранил Викремесинге свика итна седница на неговата Влада, а шефот на државата Маитрипала Сирисена соопшти дека армијата и полицијата започнале истрага за откривање на одговорните за инцидентот.

– Се обидуваме да утврдиме дали има заговор зад овие напади, изјави Сирисена, повикувајќи ги жителите на Шри Ланка да останат смирени.

Првиот човек на Католичката црква во Шри Ланка, кардиналот Малколм Ранџит изјави дека засега е нејасно дали за експлозиите е одговорна некоја локална или меѓународна група.

Мнозинството од жителите на Шри Ланка се будисти, но околу седум проценти од населението на островот се католици.

Ова е прв сериозен бомбашки напад во Шри Ланка од завршувањето на 25-годишниот конфликт меѓу властите во Коломбо и сепаратистичката група Ослободителни тигри на тамилскиот Елам (ЛТТЕ) во 2009 година.

МИА/Видео: SBSN/Фото: Dynamitenews

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Историја на расколи: Ќе се родат ли нови партии со предзнакот ВМРО?

Никола Осило

(Видео) Русинките во бикини за Водици

Никола Осило

Поништена постапката за субвенционирање на авиопревозници на која се јави само Виз ер

Редакција