КОД објави дека за тимот од САД, кој дојде во Македонија, интересен бил случајот со поранешниот шеф на Управата за безбедност и контраразузнавање (УБК), Сашо Мијалков, поради спогодбата со Обвинителството за гонење организиран криминал и корупција и пресудената конфискација на имот во вредност од околу 36 милиони евра за случајот „Империја“.
ПОВРЗАНИ ВЕСТИ
Тим од САД ќе „лови„ корумпирани функционери во Македонија
Се проверува и начинот како е стигнато до спогодбата со Обвинителството и како Апелациониот суд поништи пресуда за корупцијата во случајот “Трезор“, со што на Мијалков му е укината 8-годишната затворска казна.
Според информациите на КОД, проверката на досието на Мијалков веќе е завршена.
Покрај за предметот „Империја“, интерес за Американците, според КОД, веќе неколку години предизвикува и неуспешната конфискација на „Трансмет“ – компанијата на Сеат Кочан, односно случајот „Труст“.
Според КОД, Американците сега проверуваат и наводи за корупција на долгогодишен функционер од редовите на актуелната власт, пратеник, а се испитуваат повеќе зделки со државно земјиште во Скопје, склучени од негова фирма.
За истиот случај за актуелниот пратеник за кој се интересираат Американците веќе има активна предистрага, а се прави и финансиско вештачење за парите употребени за тој проект на окрупнување на државно земјиште, објави КОД.
Тимот од САД во Македонија пристигнал кон крајот на ноември и има два искусни члена за следење на листите за санкции и потенцијалните кандидати за американски црни финансиски листи.
Логистичка поддршка има од Амбасадата на САД, а конкретна – теренска од дипломатски претставник за владеење на правото и стручна помош. Тимот е дел од од OFAC, односно канцеларија за контрола на странски имот, дел од американското Министерство за финансии.