Вкупните трошоци на терестријалните телевизии на државно ниво – ТВ Сител, ТВ Канал 5, ТВ Телма, ТВ Алфа и ТВ Алсат М лани изнесувале 1.061,47 милиони денари и се зголемиле за 3,57% во однос на 2018 година, стои во анализата на медиумскиот пазар на Агенцијата за аудио и аудиовизуелни медиумски услуги.
“Само ТВ Канал 5 и ТВ Сител потрошиле повеќе отколку во претходната година, и тоа ТВ Канал 5 за 19,14%, а ТВ Сител за 9,53% повеќе. Останатите три телевизии ги намалиле трошоците од своето работење. ТВ Алфа ги намалила за 13,99%, ТВ Телма за 13,72% и ТВ Алсат-М за незначителни 0,31%.
Како и во претходните четири години, највисоки трошоци во анализираната година направила ТВ Сител – 452,32 милиони денари, а најниски ТВ Алфа- 93,45 милиони денари.
Во 2019 година, 66,83% од вкупните трошоци на терестријалните телевизии на државно ниво биле директни трошоци за создавање програма. Најмногу средства биле издвоени за набавка на содржини (367,46 милиони денари) и за плати и други надоместоци за вработените (261,94 милиони денари).
За набавка на програма ТВ Сител потрошила повеќе отколку другите четири телевизии заедно. ТВ Сител потрошила 197,29 милиони денари, ТВ Канал 5 – 89,71 милион денари, ТВ Телма 42,93 милиони денари, ТВ Алсат-М 21,88 милиони денари и ТВ Алфа 15,64 милиони денари„, стои во анализата.
ПОВРЗАНИ ВЕСТИ
По колку вработени имаат и колку трошат на плати Сител, Канал 5, Телма, Алфа и Алсат М
Колкави приходи и од што оствариле лани Сител, Канал 5, Телма, Алфа и Алсат М
Сител, Канал 5, Алфа и Алсат М лани работеле со добивка, а Телма со загуба