Според податоците објавени вчера, во Македонија се регистрирани 26 нови случаи на заболени со коронавирусот.
“Тестирани се вкупно 408 материјали во лабораториите во кои се спроведува молекуларно тестирање за присуство на SARS-CoV-2, од кои позитивни се 26.
Потврдените случаи се од 8 градови, а за прв пат е регистриран случај во Виница.
Регистрирани се случаи во скоро сите возрасни групи, најмногу од нив, по 8 во возрасните групи од 30-39 и над 60 години, а во однос на дистрибуцијата по пол, пријавени се по 13 женски и машки лица.
Хоспитализирани се 4 лица, а останатите се на домашно лекување. Кај 7 лица е регистрирано присуство на коморбидитети (хронична/здравствени состојби, н.з.).
Вкупно 13 лица имале контакт со веќе потврден случај на COVID-19 во државата, а не се регистрирани лица кои имале историја на неодамнешно патување (во последни 14 дена)“, стои во анализата на податоците од страна на Институтот за јавно здравје (ИЈЗ), која еМагазин секојдневно ја пренесува.
ПОВРЗАНИ ВЕСТИ
Повеќе се жени: 44,5 години просечна возраст на заболените од коронавирусот во Македонија
222 здравствени работници во Македонија заболени со коронавирусот, 37 оздравени
Хоспитализирани биле/се само 21,3% од заболените од коронавирусот во Македонија
Новопочинатиот од коронавирусот од Скопје имал претходни заболувања
Фото: Град Скопје/Табела: ИЈЗ