Порталот Сакам да кажам објави дека законските измени на Кривичниот законик, кои вчера експресно беа изгласани во Собранието, а со кои се намалуваат казните за функционерите е “пазар“ со поранешниот премиер и лидер на ВМРО-ДПМНЕ, Никола Груевски, кој доби амнестија во Унгарија, каде што избега.
ПОВРЗАНИ ВЕСТИ
Во Собрание експресно изгласани измените на Кривичниот законик за помали казни за функционерите
„Сѐ е договорено и затоа молчат дури и меѓународните фактори. Договорот оди доминантно преку избеганиот Никола Груевски, тој ги обезбедува пратениците од ВМРО-ДПМНЕ, кои ќе треба да стиснат зелено копче за уставните измени.
Логично, од ова спуштање на затворските казни, за кое се бори со години ВМРО-ДПМНЕ, полза имаат само обвинети или осомничени структури од оваа партија.
Од СДСМ и од ДУИ уште нема обвинети за злоупотреба на службената положба и овластувањата и за злосторничко здружување, тоа би било евентуално кога би ја изгубиле власта.
Овој договор со ВМРО-ДПМНЕ и со Груевски траеше извесно време и затоа премиерот Димитар Ковачевски цело време спокојно тврди: ’Уставни измени ќе има’!”, тврдат за СДК соговорници од власта.
Фото: Груевски/Фејсбук