Поради големиот пожар кој избувна претпладнево во фабриката на влезот во градот Тетово, квалитетот на воздухот е значително влошен, предупредуваат од Центарот за управување со кризи (ЦУК).
„Од Општина Тетово и СВР Тетово апелираат до граѓаните да не излегуваат без потреба од своите домови. Најпогодени се оние со белодробни васкулари и срцеви заболувања, кои денеска треба да останат дома и да ги следат известувањата за квалитетот на воздухот.
Оние граѓани кои имаат потреба да бидат надвор, задолжително да носат заштитни маски по можност H95. Во домовите да се чуваат затворени прозорците и вратите.
Во 12 часот на лице место пристигна и армијата со еден хаммер и со 13 војници, а на терен исто така се и 80 војници од касарната Тетово со опрема и машини за гаснење на пожарот.
На пожарот се интервенира и од воздух со хеликоптер на МВР, а од страна на ТАВ Maкедонија пуштена е цистерна со Пена.
Интервенираат и пожарникари од Тетово, Гостивар, Кичево и Скопје, како и екипи со ПП возила за хемиско гаснење од ТАВ Македонија и лица од ДЗС Тетово и ДЗС Гостивар,“ велат од ЦУК.
ПОВРЗАНИ ВЕСТИ
Воздухот во Тетово загаден од пожарот, учениците два дена нема да одат на училиште
(Видео) Во Тетово голем пожар во поранешната фабрика „Македонија табак“
Фото: Фејсбук/ЦУК