Многу од непушачите реагираат на законските измени со кои е дозволено да се пуши во затворен простор што претходно беше забрането.
Имајќи го во предвид претходното законско решение на кое луѓето се навикнаа и добро го прифатија бидејќи, непушачите не беа труени, сега веќе повторно имаме задимени простории, задушени луѓе на кои им пречат цигари, умирисани алишта, трпење на последици од пасивно пушење.
На социјалните мрежи веќе има реакции на оваа тема.
Зошто никој не зборува за новиот закон за пушење?!?! Зошто се менува нешто на кое сите се навикнавме, и непушачи и…
Posted by Iskra Trajkovska on Сабота, 28 декември 2019
На Твитер се појави и иницијатива да се лоцираат локалите во кои не се пуши и да се направат популарни.
Дечки, да направиме една фина иницијатива на твитер. Да ги лоцираме сите локали во градов и во земјава во кои не се пуши, и да ги направиме популарни. Многу од нив веќе се, ама не е лошо да потсетиме зошто се подобри од другите. Нека оди со хаштаг #SmokingFreeZoneInMKD
— KatttP. (@KatttP) December 30, 2019
И од овој твит се „роди“ МАПА со угостителски објекти во Скопје и во Македонија во кои не се пуши или има непушачки дел (физички одвоен од пушачкиот). Листата не е целосна и може да се надополнува.
