Остварените вкупни приходи од работење во 2019 година изнесуваат 521,2 милиони денари и во однос на минатата година бележат пораст од 21,22%, соопшти „Оилко“ КДА Скопје преку Македонската берза.
Во структурата на вкупните приходи најголемо учество, 63,20% имаат приходите од домашен транспорт на деривати кои во споредба со остварените во 2018 година се зголемени за 32,98%.
Остварените вкупни расходи во 2019 година изнесуваат 402,4 милиони денари и во однос на минатата година бележат пораст од 7,6%. Во структурата на вкупните расходи најголемо учество, 28,99% имаат расходите за бруто плата кои во споредба со остварените во 2018 година се зголемени за 18,04%.
Друштвото во 2019 година оствари добивка по оданочување во висина од 109,5 милиони денари и истата е зголемена за 111% споредбено со остварената во 2018 година.
Ваквиот резултат се должи на стагнација и незначително зголемување на оперативните расходи со истовремено зголемување на оперативните приходи од зголемен домашен транспорт на деривати и зголемен меѓународен транспорт на деривати за странски лица“, информираат од компанијата.
ПОВРЗАНИ ВЕСТИ
Продаден блок акции од „Оилко“ за 72.000 евра
Во блок-трансакција продадени акции од „Оилко“ за 92.000 евра
Фото: Оилко