Од денеска и официјално почнуваме со процесот на фотографирање за лични документи и земање биометриски податоци на граѓаните од Скопје, без претходно да се закажува како редовна постапка, изјави министерот за внатрешни работи Оливер Спасовски при посетата на пунктот во полициската станица Пролет во Општина Центар.
Инсталирани се десет нови работни станици каде што граѓаните ќе можат да се фотографираат за лични документи. Спасовски рече дека системот овозможува околу 1.000 лица дневно да ја поминат целата процедура, по принципот прв дојден-прв услужен.
Работното време на пунктот, како што информираше министерот, ќе биде од 8 до 18 часот, со можност да се продолжи до 20 часот.
Спасовски изјави дека до овој момент на ниво на државата заменети се околу 1.050.000 пасоши, околу 900.000 лични карти и 480.000 возачки дозволи.
Фото: МВР