Согласно податоците на Електродистрибуција за заштедата на електрична енергија три општини во Македонија во октомври и во време на енергетска криза потрошиле повеќе струја, споредено со лани.
Без изненадување рекордер со 474% или пет пати поголема потрошувачка е скопската општина Арачиново, каде имаше најголема потрошувачка и во септември.
Од Општината се правдат дека зголемената потрошувачка била оти се преселиле од барака во нови простории.
ПОВРЗАНИ ВЕСТИ
Арачиново со најголема потрошувачка: Општините во септември заштедиле 29% струја
Другите две се Општина Студеничани, каде зголемувањето е 11% и Општина Лозово, каде потрошувачката е повисока за 12%.
Од 81 општина, 65 општини во октомври постигнале заштеда од најмалку 15%, од нив 12 општини постигнале заштеда поголема од 50%. Шеснаесет општини не успеале да заштедат повеќе од 15%.
Најмногу заштеди имала Општина Новаци – 76%, следи Општина Штип -72% и Општина Сопиште 70%.
Казна за Општината Арачиново, која континуирано последниве години добива пари од државата или поточно од граѓаните, нема да има оти општините имале само препорака за заштеда на струја од 15%, рече на вчерашната прес-конференција министерот Крешник Бектеши.
Во два наврати Општина Арачиново, во 2020 и 2022 година доби вкупно 1,6 милион евра неповратна помош.
Арачиново не е само рекордер по потрошена струја, туку и по кражба на истата.
ПОВРЗАНИ ВЕСТИ
Во Скопскиот регион се краде струја во вредност од 50 милиони евра годишно
„Членка на НАТО преговара со едно село да плати струја“: Твитер реакции за Арачиново
Арачиново е и рекордер по неплаќање на даноци, односно таму воопшто не се наплаќаат даноци, како што покажуваат податоците за 2017, 2018 и 2019 година, оти општината немала база на податоци на даночни обврзници, ниту даночно одделение.
ПОВРЗАНИ ВЕСТИ
Кои министерства и државни претпријатија заштедиле најмногу струја во октомври