Владата на една од последните седници ги разгледала барањата на Општина Куманово и Општина Штип кои се однесуваат на отежнато функционирање на општините поради блокада од извршени судски решенија за експропријација и налози за извршување од страна на Министерството за финансии по основ на ненавремено плаќање на обврските од заостанатиот долг кон ЕБОР за кредитот МЕАП кој го има земено ЈП Водовод – Куманово односно ЈП Исар Штип.
„Се задолжуваат Министерството за финансии и Секретаријатот за законодавство да подготват и во рок од една недела до Владата да достават соодветен предлог за плаќање на општините Куманово и Штип (ова да важи и за сите општини со ваков проблем) на остатокот од долгот по МЕАП Програмата спрема државата и можност за бришење на каматите“, заклучила Владата.