еМагазин
Image default
Македонија ТОП СТОРИИ

Османи во Собрание да ги презентира одговорите кои Македонија и ги дала на Бугарија за „план 5+1“, побара опозицијата

Преку писмо бараме од министерот за надворешни работи Бујар Османи да дојде пред Комисијата за надворешна политика во Собранието и да ни ги достави одговорите кои што македонската страна ги има испратено до официјална Софија за таканаречениот „план 5+1“.

Ова денеска го изјави пратеникот на ВМРО-ДПМНЕ во Собранието и претседател на Комисијата за надворешна политика Антонио Милошоски.

Во писменото барање се предлага седницата да биде отворена за јавноста и да се одржи што е можно поскоро или од 26 јануари до 15 февруари годинава.

-Ова го бараме затоа што сметаме дека не е транспарентно и не е демократски доколку пратениците во софиското Собрание знаат она што македонските пратеници не го знаат и македонската јавност има право преку претставниците во Законодавниот дом да дознае за што се работи. Дали има нешто да се крие или има нешто да се разговара со сите пратеници, изјави Милошоски.

Ова барање, како што рече, го претставувам денес јавно и од една дополнителна причина, бидејќи министерот за надворешни работи Бујар Османи, иако е скаран со неговиот колега Никола Димитров, сепак минатиот декември покажа дека имаат исти навики.

-Минатиот декември, минатата година му доставивме барање да се обрати пред Комисијата за надворешна политика, но за жал го игнорираше и не се појави, а е негова законска обврска.

Затоа сметам дека со порака преку јавноста, освен вака со писмено барање, ќе успееме да ги доведеме министрите во Собранието каде што имаат законска надлежност, да дадат отчет за нивната работа, а Собранието да биде надзор и контрола, нагласи Милошоски.

ПОВРЗАНИ ВЕСТИ

Османи во Софија се сретна со колешката Генчовска, разговарале и за одговорите на Македонија за пакетот „5+1”

МИА/Фото: Фејсбук/Милошоски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Германскиот амбасадор со дообјаснување: Работна виза само со призната квалификација и барање од германски работодавач

Редакција

Прв случај на наставничка во Прилеп заразена од коронaвирусот, 20 ученици во самоизолација

Редакција

ВМРО-ДПМНЕ бара бришење на делови од предложената преговарачка рамка

Редакција