Османи избран за потпретседател на ДУИ, претседателството на партијата доби и тројца нови членови

На петтиот редовен состанок на Генералниот совет на владејачката ДУИ, за нов потпретседател на ДУИ е назначен Бујар Османи, информираат од таму.

Собранието назначило и тројца нови членови на претседателството, пополнувајќи ги испразнетите места од лицата што ја напуштиле партијата. Новоименуваните членови се Беким Незири, Илир Хасани и Арта Билали. Билали како секретар ќе го води Секторот за родова еднаквост.

На состанокот, како што информираат од таму се зборувало и за односите на другите политички групации кон ДУИ.

Претседателот Али Ахмети се осврнал на загриженоста од создавање на хибриден политичко-економски центар против ДУИ, а тој и Генералниот совет го осудиле нападот врз првиот вицепремиер Артан Груби, карактеризирајќи го истиот како напад врз ДУИ, стои во соопштението.

ПОВРЗАНИ ВЕСТИ

„Срамота е вицепремиер да вози Цитроен ксара, 22 години стара„: Твитер реакции за опожареното возило кое го користел Артан Груби

Груби вели дека опожаренето возило е на сосед, Османи дека е на вицепремиерот, а СДСМ дека го користел

Крие ли Груби имот: Какво возило пријавил во неговиот анкетен лист

Фото: ДУИ