еМагазин
Image default
Македонија

OTA од денеска започнува со работа

Оперативно техничката агенција од денеска и официјално почнува да работи со полн капацитет, инфомираа денеска на заедничка прес-конференција вицепремиерот и министер за внатрешни работи Оливер Спасовски и директорот на ОТА, Зоран Ангеловски.

Министерот Спасовски информира дека контролата врз работата на Агенцијата ќе биде повеќестепена преку собраниска комисија, граѓански организации и експерти.

Според првиот директор на ОТА, Ангеловски, моделот за функционирање е оптимално решение за Република Македонија и нема да дозволи да се повторат претходните афери со прислушувањето и тн. бомби.

Тврди дека ОТА е професионална агенција, целосно независно тело. Во моментот располага со технички кадар преземени од МВР односно четири лица од Бирото за јавна безбедност и тројца од Управата за безбедност и контраразузнавање. Најави дека останатите вработени ќе бидат преку објавен конкурс.

Според него, согласно направената систематизација бројот на вработени треба да биде околу 25 лица.

Седиштето на ОТА е во Телеком поради технички причини – оптичкиот кабел, а ОТА законски ќе ја врши контролата и врз операторите.

МИА/Фото: Фејсбук-профил на Оливер Спасовски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Антикорупциска побарала М-НАВ да ги достави документите од набавката на радарскиот систем

Редакција

Димитров: Одвратна инсинуација дека сум вмешан во „Рекет“, прв пат ќе тужам

Редакција

Ново рочиште за „Титаник“ на СЈО

Редакција