По повод 18.11. Европски ден за рационална употреба на антибиотици и Светската недела за разумна употреба на антибиотиците 18-24.11.2020 професорот и доктор Никола Пановски на неговиот фејсбук-профил објави едукативен плакат од Светската здравствена организација (СЗО) за антимикробна резистенција (АМР) и Ковид-19.
Тој смета дека сите матични се едуцирани, ама дел од нив подлегнуваат на притисок на пациентите, им пропишале на над 60.000 здрави лица рецепт, да си го имаат во резерва.
„Инаку знаат да препознаат кога вирусната инфекција се комплицирала со бактериска, ако го прегледаат пациентот и направат лабораторија. За жал некои од нив послегнаа на паника, и немајќи протоколи предлагаат и непотребни лекови,“ вели Пановски, кој е и претседател на Комисијата за контрола на АМР на Македонија.
Фото: Телма