Петков: Ја славиме годишнината од раѓањето на еден од најсветлите умови, бугарскиот револуционер Делчев

Бугарскиот премиер Кирил Петков се огласи на Фејсбук по повод 150-годишнината од раѓањето на Гоце Делчев.

„Денеска ја славиме 150-годишнината од раѓањето на еден од најсветлите умови во нашата историја – бугарскиот револуционер Гоце Делчев.

Тој е еден од симболите на борбата за слобода, идеолог на македонско-одринското револуционерно ослободително движење.

Гоце Делчев е составен дел од нашата заедничка историја со луѓето од Северна Македонија. Тој е една од личностите кои ги прават горди и двата народа“, напиша Петков на неговиот Фејсбук-профил.

Во Скопје пак денеска, како дел од заедничкото чествување на јубилејната 150 годишнина од раѓањето на Гоце Делчев свежо цвеќе на вечното почивалиште на Делчев принесе и делегација на Владата на Република Бугарија, предводена од министерката за надворешни работи, Теодора Генчовска, придружувана од заменичката-министерка за надворешни работи Велислава Петрова, заменик-министерот за култура, Јуриј Велковски и амбасадорот на Република Бугарија во Македонија, Ангел Ангелов.

Македонската делегација ја предводеше министерката за култура, Бисера Костадиновска Стојчевска и заменичката-министерка за надворешни работи, Фатмире Исаки.

ПОВРЗАНИ ВЕСТИ

За Пендаровски Кирил Петков зборува како Нелсон Мендела споредено со неколкумина министри од владата на Борисов

Што пишува во декларацијата на ВМРО-ДПМНЕ за Гоце Делчев

Фото: Влада