Министерот за транспорт и врски, Горан Сугарески пред неколку дена најави дека до крајот на оваа недела ќе се отвори автопатот Миладиновци-Штип. Пуштањето во употреба на овој автопат беше најавувано неколку пати, иако се уште не беше готов.
И како неколку пати до сега, крајот на неделата дојде, а автопатот се уште не е отворен.
На автопатот сè уште се работи. Коловозните ленти се подготвени, обележани, има сообраќајни знаци, но попатно на две места можат да се забележат работни машини и неколку работници, кои работат на десната страна од патот.
Недостасува заштитна мрежа, а околните ридови на места изгледаат дека не се до крај доведени во ред, за да не предизвикаат свлечиште при поинтензивен дожд.
Имајќи предвид дека оваа состојба ја увидуваат граѓаните кои патуваат, дали надлежните не знаат каква е состојбата на терен, па да дадат реална проценка кога се би било завршено или пак давањето лажна надеж им е во опис на работните позиции.
ПОВРЗАНИ ВЕСТИ
Автопатот Миладиновци-Штип ќе биде пуштен неделава
Фото: Министерство за транспорт и врски