Ветераните-основачи на ВМРО-ДПМНЕ бараат од претседателот и раководството на партијата за итно формирање на Унијата на ветерани на ВМРО-ДПМНЕ, покрај веќе постоечките Унии на млади сили и на жени.
„Со доаѓањето на новиот претседател на партијата-проф.Христијан Мицковски се интензивираа нашите меѓусебни контакти за најпосле да се успее и преку соодветна форма-објавен јавен оглас во весник за избор на претседател на Унија на ветерани пред скоро една година (мај 2018) и
ставање во Статутот на партијата покрај веќе постоечките две унии да се формира статутарно со полн институционален легитимитет оваа многу респектабилна улога на ветерани која со своите членови, фамилии, симпатизери, пријатели и поддржувачи сигурно како бројка-збирно вреди прилично повеќе од тн. партии од коалицијата Заедно за Македонија. Немојте да се сомневате во тоа…, а замислете каков третман тие имаат кај раководството на партијата.
Со оглед на дадените,а не реализирани ветувања во веќе изминатите 15 месеци (од декември 2017 год.) од страна на претседателот, ја користиме оваа можност преку јавните медиуми да укажеме на овој факт дека ветераните се столбот, темелот на партијата и нивното значење не смее да се маргинализира, да се потценува“, се вели во соопштението.