Конечно се познати сите кандидати на опозициската ВМРО-ДПМНЕ за техничката влада.
Од партијата за технички министер за труд и социјална политика ја предлагаат д-р Рашела Мизрахи, која е доктор на науки по биохемија, објави телевизијата Алфа.
ВМРО-ДПМНЕ за дополнителен или заменик министер за финансии ја предлага Гордана Димитриеска Кочоска, Магистер по економски науки на Универзитетот Св Кирил и Методиј.
За заменик министер за земјоделие, шумарство и водостопанство го предлага Цветан Трипуновски, дипломиран земјоделски инжинер, а за заменик министер за информатичко општество и администрација актуелната пратеничка од ВМРО-ДПМНЕ, Невенка Стаменковска Стојковски, која е Магистер по Европско право и право на Европска Унија.
Како што е веќе познато за технички министер за внатрешни работи од партијата го предложија Драган Ковачки.
ПОВРЗАНИ ВЕСТИ
Кој е Драган Ковачки кого ВМРО-ДПМНЕ го предложи за технички министер за внатрешни работи