Собранието на Македонија по распишаниот тендер за набавка на мобилна телефонија склучи договор со „Македонски Телеком“ – Акционерско друштво за електронски комуникации – Скопје.
Вредноста на склучениот договор со вклучен ДДВ е 11.800.000 денари или околу 191.000 евра.
Согласно договорот, се обезбедуваат два тарифни модели, првиот со месечна претплата од 500 денари, а вториот со месечна претплата од 1.500 денари.
Согласно договорот, Телеком има обврска да обезбеди субвенции од 4,4 милиони денари за набавка на мобилни апарати и тоа за 270 линии во првиот тарифен модел и за 120 линии во вториот тарифен модел.
Со оглед на тоа што во Собранието има 120 пратеници претпоставка е дека вториот тарифен модел со претплата од 1.500 денари е наменет за пратениците.