Рама: Кандидатскиот статус во ЕУ e „еден вид антидепресивна таблета за зајакнување на моралот на земјите“

Албанскиот премиер Еди Рама за емисијата „Talking Europa“ на France 24 задржувајќи се на преговорите и самитот во Брисел, вели дека Албанија не е таа што направила бавен процес кон ЕУ, туку Европската Унија е таа што го забавила напредокот на овој процес.

Кандидатскиот статус во ЕУ тој го опишува како „еден вид антидепресивна таблета за зајакнување на моралот на земјите“, но смета дека е во „право да ги признае Украинците како нација што прават многу за нас, зашто тие спречуваат најмногу да напредува страшна контра-реформа во светот што Путин сака да ја наметне“.

Тој додава дека повеќе не е фрустриран, туку е тажен поради неуспехот на ЕУ да го исполни ветувањето дадено на Албанија и Македонија. 

– Не е Албанија која бавно напредуваше кон ЕУ, туку ЕУ забави. Не сум фрустриран, туку многу тажен поради неуспехот на Европската Унија да го  исполни ветувањето дадено на Албанија и Македонија, нагласува Рама.

ПОВРЗАНИ ВЕСТИ

Вучиќ „жестоко“ кон ЕУ: Сит сум од тие игри во регионот – се оцрнуваме едни со други, за да можат да се играат со нас како марионети

MИА/Фото: Влада