Пратеникот на Движењето Беса, Кастриот Реџепи денеска преку својот Фесјбук-профил најави дека во понеделник ќе се појави пред новинарите за да разјасни што се случило со неговото вчерашно непојавување во Собранието, каде требаше да се гласа за доверба на Владата.
– Почитувани пријатели и семејство, без разлика на вашите политички убедувања. Ви благодарам за грижата и поддршката што ми ја давате. Следниве денови ќе имаме можност подиректно да се информираме за се.
Во однос на медиумите и интересот, ги разбирам и ги информирам дека моето прво појавување пред јавноста ќе биде во понеделник преку прес-конференција.
На крајот апелирам до раководството на Движењето БЕСА да не презема избрзани чекори кои ќе им наштетат на нашите структури и активисти. Треба да се постапува внимателно, напиша Реџепи.
ПОВРЗАНИ ВЕСТИ
Џафери не ја исклучува можноста Реџепи од Беса да остане дел од парламентарното мнозинство
Фото: Фејсбук/Реџепи