Консолидираната оперативна добивка на Реплек АД Скопје за периодот од 1 јануари 2020 година до 30 јуни 2020 година изнесува 76.260 илјади денари, соопшти компанијата преку Македонската берза.
“Оперативните приходи изнесуваат 525.641 илјади денари и се зголемени за 6%, а оперативните расходи изнесуваат 471.583 илјади денари и бележат зголемување за 12% во однос на истиот период претходната година.
Приходите од продажба на странски пазар имаат учество од 64% во вкупните приходи од продажба (2019: 56%) и имаат зголемување од 22% во однос на истиот период минатата година.
Приходите од продажба на домашен пазар имаат учество од 36% во вкупните приходи од продажба (2019: 44%) и имаат намалување од 13% во однос на истиот период минатата година.
Консолидираната добивка пред оданочување изнесува 75.080 илјади денари и е зголемена за 30% во однос на истиот период минатата година.
Реплек во текот на 2020 година има приливи од дивиденда од придружени друштва во износ од 108.000 илјади денари.
Во поединечните финансиски извештаи за периодот од 01.01.2020 до 30.06.2020 година кредитното задолжување е зголемено за 58.571 илјади денари, односно на 30 јуни 2020 година изнесува 89.321 илјади денари (на 31 декември 2019 година изнесува 30.750 илјади денари).
Во консолидираните финансиски извештаи за периодот од 01.01.2020 до 30.06.2020 година кредитното задолжување е зголемено за 99.667 илјади денари, односно на 30 јуни 2020 година изнесува 204.294 илјади денари (на 31 декември 2019 година изнесува 104.627 илјади денари)“, велат од компанијата.
ПОВРЗАНИ ВЕСТИ
Иван Туџаров продаде акции од „Реплек“
„Реплек“ со зголемени приходи, но и со проблеми во работењето поради корона вирусот
Продаден блок акции од „Реплек“ за 82.000 евра