еМагазин
Image default
Балкан

Русија го одобри производството на вакцината „Спутник V“ во Србија

Рускиот Институт за епидемиологија и микробиологија „Гамалеја“ го потврди квалитетот на вакцината произведена на белградскиот Институт „Торлак“ и го одобри производството на вакцината „Спутник V“ против коронавирусот во Србија.

Србија на тој начин ќе стане првата земја во Европа што ќе ја произведува вакцина „Спутник V“, соопштено е на состанокот што во Москва денеска го одржаа министерот во Владата на Србија, Ненад Поповиќ и директорот на институтот „Гамалеја“, Александар Гинтсбург.

Министерот Поповиќ потсети дека минатиот месец бил испратен серијалот на вакцината од „Торлак“ на Институтот „Гамалеја“ на тестирање.

– Институтот „Гамалеја„ потврди дека вакцините произведени во „Торлак“ ги исполнуваат пропишаните стандарди за квалитет. Денеска ја добивме таа потврда од нашите руски партнери и добивме одобрение да продолжиме со производството, изјави Поповиќ.

Тој посочи дека во следните две недели очекува од Русија во Србија да пристигне значително количество на супстанца за производство на двете компоненти на вакцината Спутник V.

– Многу скоро, Србија ќе има доволно вакцини за целосно да ги покрие своите внатрешни потреби и ќе разговараме со претседателот Вучиќ каде треба да се испраќаат вакцините надвор од границите на Србија, со цел да им помогнеме на нашите партнери во регионот и Европа во борбата против коронавирусот, кажа Поповиќ.

Директорот на институтот „Гамалеја“, Александар Гинтсбург, изрази задоволство од одобрувањето на валидационите серии на вакцините произведени во „Торлак“.

ПОВРЗАНИ ВЕСТИ

(ВИДЕО) Вучиќ објави како ќе изгледа српската фабрика за производство на вакцини и на ПЦР-тестови

МИА/Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Грчка влада: Во следните денови ратификација на Протоколот за прием на Северна Македонија во НАТО

Редакција

(Видео) Сите детали за церемонијата за отворање на летната сезона во Будва

Редакција

(ВИДЕО) Потресна снимка од спасување момче во Петриња

Редакција