еМагазин
Image default
Македонија

Русија не се откажува преименувањето на Република Македонија да го разгледува Советот за безбедност на ОН

Заменик министерот за надворешни работи на Русија Александар Грушко изјави дека Москва не се меша во внатрешните работи на Атина во ситуацијата поврзана со името Македонија, но ќе продолжи да го искажува мислењето по тоа прашање, бидејќи тоа е во надлежност на Советот за безбедност на Обединетите нации.

-Ние на никаков начин не се мешаме во внатрешните работи на Грција, но по прашањата кои спаѓаат во надлежност на Советот за безбедност на ОН, Русија ќе го изразува сопственото мислење, изјави рускиот дипломат, пренесе ТАСС.

Грушко изјавил дека коментарот на руското МНР со кој се осудува одлуката на македонскиот Парламент да го промени Уставот заради промена на името на земјата претставува суштинска оценка за тоа „како течеле преговорите (помеѓу Атина и Скопје за преименување на Македонија), под чиј меѓународен притисок и за мешањето без преседан кој го покажал западот во постигнување на потполно јасни геополитички цели“.

Грчкото Министерството за надворешни работи во реакцијата по соопштението на руското МНР во врска со Договорот од Преспа, соопшти дека Договорот уште од потпишувањето придонесува во зајакнувањето на мирот и стабилноста на Балканот, воедно е и меѓународно признат модел за решавање на разликите меѓу две независни суверени држави под покровителство на ОН, без мешање на трети страни.

-Споменување на политички случувања во внатрешноста на земји пријатели од руското Министерство за надворешни работи не е во согласност со нивото кое ги карактеризира грчко-руските односи и трајните врски на пријателство меѓу нашите народи, велат од Министерството за надворешни работи на Грција и додаваат дека ова создава „разумна загриженост бидејќи го занемарува одреденото со закони и ефективното демократско функционирање на институциите во Грција и на Уставот во кој има јасни одредби“ за справување со секакви можни случаи и „секако не е сфера за коментари од страна трети страни“.

И македонското Министерство за надворешни работи вчера објави реакција на коментарот на руското МНР во врска со усвојувањето на уставните измени што произлегуваат од Договорот од Преспа, напоменувајќи дека овој Договор не само што не задира во интереси на трети страни, туку суштински придонесува за регионалната стабилност.

-Договорот од Преспа не само што не задира во интересите на трети страни, туку суштински придонесува кон регионалната стабилност, пријателство и соработка и како таков претставува  пример и модел за решавање на отворени прашања меѓу државите, се наведува во реакцијата на македонското МНР.

МИА

ПОВРЗАНИ ВЕСТИ

Путин: Референдумот за промена на државното име на Македонија не успеа, но надворешниот притисок продолжи

Грција очекува Русија да го употребува новото име за Македонија – Северна Македонија

Македонското МНР му одговори на руското МНР: Договорот од Преспа не задира во интересите на трети страни

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Одложено судењето за 27 април, се чека одговор од Апелација за одбиените жалби за амнестија

Редакција

Обвинителството отфрли кривична пријава за злоупотреба на службена положба против десет судии

Редакција

Унгарска Влада: Груевски доби „фер процес“ како кој било друг кој побарал азил

Редакција