Во периодот јануари-јуни 2021 година Бетон АД Скопје оствари вкупни приходи во износ од 410.157 илјади денари, што е за 38% помалку во однос на истиот период од претходната година, соопшти компанијата преку Македонската берза.
“Намалувањето на приходите е резултат за завршување на проектите од претходните години, како и завршување на подготовките за воведување во работа на нови проекти, од кои еден проект е во странство и кои треба да започнат со изведба во втората половина од годинава.
Во првата половина од 2021 година (јануари-јуни) остварени се вкупни расходи од 647.795 илјади денари и истите се на ниво од истиот период од претходната година.
Вкупната загуба изнесува 237.637 илјади денари и е резултат на ниската реализација и зголемените трошоци на материјалите, посебно заради фактот што се завршуваа долгогодишни проекти за кои се вршени пресметки неколку години претходно и чии договори не дозволуваат корекција на вредностите, најчесто работејќи се за проекти чии инвеститори се државни институции.
Сведоци сме на енормен раст на инпутите во градежништвото, како и недостиг на работна сила која дополнително придонесува кон зголемување на цените на влезните материјали и услуги.
Друштвото и покрај тешките услови за работа и оперирање во економија која има намален раст, во периодот од 2020 и првата половина на 2021 година инвестираше во дополнителни основни средства, односно опрема и механизација, во вкупен износ од 146 милиони денари“, велат од компанијата.
ПОВРЗАНИ ВЕСТИ
Скопски Бетон во првите три месеци работел со загуба
Скопски Бетон лани работел со намалена добивка