Во сообраќајната несреќа која синоќа околу 23 часот се случи во Кисела Вода, загинаа две лица, а седуммина се повредени од кои и две деца.
Според информации од МВР, во сообраќајката која се случила на крстосницата на булеварите „Србија“ и „Борис Трајковски“ учествувале пет возила.
Станува збор за „фолксваген пасат“ управуван од Р.А.(50) од Студеничани, „мерцедес“ управуван од Х.С.(28) од Скопје, „фолксваген шаран“ управуван од З.И.(30) од с.Студеничани, „хјундаи аксент“ управуван од О.А.(25) од с.Батинци, скопско и патничко возило „фиат пунто“ со скопски регистарски ознаки, управувано од Е.Б.(39) од Скопје.
На самото место на несреќата починале 28-годишниот Х.С. и 50-годишниот Р.А. од Студеничани.
По укажаната лекарска помош 25-годишниот О.А. од Батинци бил задржан во полициска станица.