Сегашните податоци не покажуваат дека има потреба од трета доза на вакцина против коронавирусот, изјави денеска водечкиот научник на Светската здравствена организација (СЗО), Сомја Саминатан.
Говорејќи за третата или таканаречена „засилувачка“ доза, која се дава во богатите земји, советникот на СЗО, Брус Ајлворд, на истата прес-конференција во Женева истакна дека има доволно вакцини во светот, но дека тие не се рамномерно распределени.
Тој нагласи дека прво треба да се дадат две дози на најранливите групи низ светот, а дури потоа трета доза на оние кои веќе се вакцинирани со две.
– Но, ние сме уште далеку од тоа, рече Алворд.
МИА/Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.