Бремените жени вакцинирани против Ковид-19 може да ја пренесат заштитата на новороденчиња, покажуваат податоците од ново истражување спроведено во Израел.
Студија од февруари откри дека антитела биле откриени кај сите 20 жени имунизирани со две дози вакцина Фајзер/БиоНТек во текот на третиот триместар од бременоста и кај нивните новороденчиња антитела биле пренесени преку плацентата.
Наодите на истражувачите од болницата Хадаса во Ерусалим се објавени во medRxiv, мрежна услуга за ширење на истражувања што сè уште не се објавени во списанија.
Авторите забележуваат дека студијата е мала и потребни се дополнителни истражувања за ефикасноста на вакцината во различни фази од бременоста, како и за безбедноста и ефекасноста на различните вакцини.
Во претходна студија, исто така во Израел, се утврди дека вакцинираните доилки пренесуваат антитела на своите бебиња.
МИА